Futbola
Neguko merkatua
Beckhamek PSGn jokatuko du urtarriletik aurrera
Erredakzioa
Frantziako prentsaren arabera, Ingalaterrako jokalariak 18 hilabeteko kontratua sinatuko du eta 800.000 euroko soldata jasoko du hilero.
-
David Beckham. Argazkia: EFE
Frantziako prentsaren arabera, David Beckham Ingalaterrako jokalariak Paris Saint Germainen (PSG) jokatuko du urtarriletik aurrera. BaiL'Equipe-k baita Le Parisien-ek ere azpimarratu dute ofiziala ez den arren PSG jokalariaren aurkezpena antolatzen ari dela.
Ingalaterrako jokalariak 18 hilabeteko kontratua sinatuko du eta 800.000 euroko soldata jasoko du hilero. Horrela, Beckham Frantzian diru gehien irabazten duen jokalaria izango da, Gourcuffen (Lyon) aurretik. Gainera, taldeko zuzendariek enbaxadore postua eskaini diote, futbol ibilbidea amaitzen duenerako.
Baliteke Beckhamen debuta urtarrilaren 4an izatea, Qatarren. Egun horretan PSGk lagunarteko partida jokatuko du, AC Milanen kontra.
