Futbola
Almeriaren porrotaren ondorioz
Mallorca, Lehen Mailara
A. B. E. | EITB Media
Almeriak Cartagenaren aurka porrota (3-2) jaso duenez, Mallorca Santander Ligan lehiatuko da 2021-2022 denboraldian.
-
Mallorcak igoera ilustratzeko erabili duen irudia. Argazkia: @RCD_Mallorca
Mallorca Lehen Mailara igo da astearte honetan, duela hamar hilabete Bigarren Mailara jaitsi ostean. 2019-2020 denboraldian Santander Ligatik SmartBank Ligara jaitsi zen Baleareetako taldeak.
Almeriak Cartagenaren aurka porrota (3-2) jaso duenez, Mallorcak matematikoki lortu du mailaz igotzea, eta asteazkenean Teneriferen aurka jokatuko duen neurketan ez du punturik eskuratu beharko igoera bermatzeko.
SmartBank Ligako sailkapenean 75 puntu ditu Mallorcak eta hiru partida geratzen zaizkio txapelketari amaiera emateko. Almeriak, aldiz, zortzi puntu gutxiago ditu eta bi partida bakarrik geratzen zaizkio jokatzeko; beraz, jada ezin du Mallorca gainditu. Almeriak play-offetan izango du igoera lortzeko aukera.
Jada, Espanyol eta Mallorca dira igoera lortu duten taldeak. Lehen Mailara igoko den hirugarren taldea zein den play-offen bidez erabakiko da.
