Futbola
Munduko futbola
Yestek Greziako Olympiacos taldea utzi du
Erredakzioa
Basauriko erdilaria Arabiar Emirerri Batuetara itzuliko da seguru aski, izan ere, Baniyas SC Abu Dhabiko taldearekin akordioa itxita eduki dezake.
-
Yeste Olympiacosekin partida bat jokatzen. Argazkia: EFE
Fran Yeste jokalariaren kontratua eten du Greziako Olympiacos taldeak, bere webgunea iragarri duenez. Horrela, Basauriko erdilaria Olympiacos utzi zuen atzo. Greziako talde historikora aurten heldu zen basauritarra, baina zuri-gorri ohiak errendimendu eskasa izan duela uste dute taldeko arduradunek.
Basauriko erdilaria Arabiar Emirerri Batuetara itzuliko da berriro seguru aski, izan ere, Baniyas SC Abu Dhabiko taldearekin akordioa itxita eduki dezake. Greziako komunikabideen esanetan, 700.000 euroko soldata batek errendimendu altuago bat behar duela uste dute Olympiacoseko agintariek, eta horregatik kontratua etetea erabaki dute.
