Futbola
BBVA Liga
Xabi Alonso: 'Bide beretik jarraitu behar dugu, poliki-poliki'
Erredakzioa
Real Madrileko jokalariak azpimarratu duenez, Ligan Bartzelonarekin duten aldea burutik kendu behar dute.
-
Xabi Alonso. Argazkia: EFE
Xabi Alonso Real Madrileko jokalariak asteazken honetan azpimarratu duenez, Ligan Bartzelonarekin duten aldea burutik kendu behar dute, partidak etorri ahala irabazi behar dituztelako.
"Geureari begira goaz, Bartzelonarekin dugun aldea kontuan hartu gabe. Ezin dugu gauzak egiteko modua aldatu, bide beretik jarraitu behar dugu, poliki-poliki. Orain partida gutxiago ditugu eta etorri ahala irabazi behar dira", aitortu du Real Madrileko erdilariak.
Bestalde, Liga edo Txapeldunen Liga irabaztea nahiago duen galdetuta, Xabi Alonsok esan duenez, ezin da aukeratu, Liga oraindik inoiz irabazi ez duelako eta Txapeldunen Liga "berezia" delako.
