Futbola
Eskoziako Liga
Glasgowko Rangers ordainketa-etendura egoeran sartu da
Erredakzioa
Hamar puntu galduko ditu Eskoziako Ligan egoera honetan egoteagatik. 26 jardunaldi jokatuta Celtic da liderra eta 14 puntuko aldea du Rangersekiko.
-
Celtic-Rangers derbiko artxiboko irudia. Argazkia: EFE
Glasgowko Rangers futbol taldea ordainketa-etendura egoeran sartu da astearte honetan. Hala jakinarazi du BBC kateak. Egoera honetan egoteagatik 10 puntu kenduko dizkiote Rangersi Eskoziako Ligan.
Eskozian titulu gehien lortu dituen taldeak eskuan utzi dio Ligako titulua bere aurkari nagusia den Celtici. Lidergoan dago Celtic eta zigor honekin 14 puntu behetik du Rangers. Asteburu honetako Rangers-Kilmarnock airean dago, ez dakite oraindik jokatu ahal izango den.
