Futbola
Igandean 21:30ean
Barçak Calderonen jokatuko du bolada onean dagoen Atleticoren aurka
Erredakzioa
Simeone iritsi denetik ez dute partidarik galdu koltxoneroek. Bartzelonak ezin du kale egin Ligan aukerak izaten jarraitu nahi badu. Igandean jokatuko da partida 21:30ean.
-
Bartzelonak ezin du kale egin Atletico Madrilen aurka. Argazkia: EFE
Igande honetan partida bikaina jokatuko da Vicente Calderon futbol zelaian. Atletico Madril eta Bartzelona ariko dira nor baino nor 21:30etik aurrera.
Atletico Madril bolada onean iristen da partida honetara. Simeonek taldea zuzentzen duenetik ez dute galdu koltxoneroek eta sailkapenaren erdialdean egotetik Txapeldunen Ligara sartzeko postuengatik borroka egitera pasa da taldea.
Bestalde, Bartzelonak etxetik kanpora jokatzen diren partidetan puntu asko galdu ditu eta Guardiolaren taldeak ezin du berriro kale egin. Porrot batek Ligari agur esatea ekarri dezake blaugranentzat.
