Ernesto Valverdek ez du Olympiacos entrenatzen jarraituko

Erredakzioa

Azken eguneratzea: 2012/04/19 18:39 (UTC+2)

Erabakia "arrazoi pertsonalengatik" hartu duela baieztatu du Extremaduran jaiotako entrenatzaileak. Greziako Kopa bat eta hiru Liga irabazi ditu Pireoko taldearekin.

Ernesto Valverde. Argazkia: EFE

Whatsapp
Whatsapp
telegram
twitt
Bidali
Esteka kopiatu

Ernesto Valverdek ostegun honetan jakinarazi du ez duela Olympiacos entrenatzen jarraituko arrazoi pertsonalengatik. Valverdek Greziako Liga eta Kopa irabazi zituen 2008-2009 denboraldian Olympyacosekin. Ondoren, Vila-real zuzendu zuen 2009-2010. denboraldian, baina denboraldia bukatu aurretik kargutik kendu zuten. 2010-2011. denboraldian Olympiacosera itzuli zen eta Liga irabazi zuen. Urte bete geroago ere, denboraldi honetan, Ligako txapeldun izendatu da Olympiacos Valverderekin.

"Niretzat egun zaila da gaurkoa. Arrazoi pertsonalengatik ez dut hemen jarraituko. 2008an Olympiacosera etorri nintzenean ez nekien non sartzen ari nintzen. Harritu egin ninduen hemen ikusten nuenak, ez nekien erabaki ona hartu nuen edo ez. Baina, orain baieztatzen dizuet hartu nuen erabakia oso ona izan zela", esan du Valverdek bere agurrean.