Lidergoa eskuratzeko lehia bizia IV. eta XV. multzoetan

IV. multzoan Barakaldo da liderra, baina oso gertu ditu atzetik datozen taldeak. Laudio bigarren sailkatua da Barakaldorengandik puntu bakarrera, eta Portugalete hirugarren postuan dago liderra baino bi puntu gutxiagorekin. Laugarren sailkatua Beasain da eta lau puntura du Barakaldo bosgarren sailkatua den Zallak duen distantzi berdinera. Beasain eta Zalla berdinduta daude 68 punturekin. Zail dute lehen postua eskuratzea, baina matematikoki posible zaie oraindik.

Sailkapenaren behealdean Hernani eta Zarauzko KE jaitsita daude jada, ez dute salbazioa lortzeko aukerarik. Vitoria ere jaitsiera postuetan dago, baina oraindik ez du maila galdu. 30 puntu dituzte arabarrek, eta 36rekin salbazio postuan dago Balmaseda. Bi talde hauek datorren asteburuan jokatzen dute elkarren aurka. Arabarrek galduz gero agur esango diote Hirugarren Mailari. Balmasedaren helburua gorago bukatzea izango da arrastreak egon baitaitezke.

XV. multzoan Peña Sport da liderra 86 punturekin eta bigarren sailkatua den Izarra berdinduta dago. Gol averagea Peña Sporten aldekoa da. Tudelano da hirugarren sailkatua 82 punturekin eta oso zail dute lidergoa eskuratzea. Play-offetan pentsatzen dabilena Mutilvera da. 77 puntu dituzte Mutilvakoek, atzetik datozen taldeek ezin dute harrapatu eta beraiek ez daukate liderra harrapatzeko aukerarik.

Bestalde, Aluvionek maila galduta du jada eta Azkoyenek salbazioa lortzeko aukera gutxi ditu bost puntura baitu mailari eusteko helburua. Salbazioa lor dezakeena Lourdes da. Jaitsiera postuan dago Lourdes 32 punturekin eta salbazio postuan dagoen Cortesek 34 puntu ditu. Burlades 15. postuan dago 35 punturekin eta Aoiz 15. postuan dago 36 punturekin.

36. jardunaldiko emaitzak IV. multzoan:

Zarauzko KE 2 - 2 Deportivo Alaves B
CD Hernani 0 - 1 CD Lagun Onak
Arenas Club 2 - 0 Balmaseda FC
SD Zamudio 1 - 2 CD Laudio FSR
SD Leioa 2 - 2 CD Basconia
Zalla UC 2 - 2 Santutxu FC
CD Vitoria 1 - 3 SD Beasain
SCD Durango 1 - 2 Club Portugalete
SD Eibar B 1 - 1 CD Elgoibar
Barakaldo CF 1 - 0 SD Gernika

36. jardunaldiko emaitzak XV. multzoan:

CD Aoiz 3 - 1 CD Aluvion
UDC Txantrea KKE 4 - 1 CD Valle de Egues
CD Iruña 3 - 1 CD Pamplona
CD Oberena 2 - 2 CD Azkoyen
Peña Sport FC 3 - 0 AD San Juan
CD Cortes 1 - 0 CD Huarte
Club Atletico Cirbonero 1 - 2 UD Mutilvera
CD Tudelano 2 - 0 CD Idoya
CD Izarra 4 - 0 CD Lourdes
CD Murchante 1 - 3 UCD Burlades