Futbola
2012ko Eurokopa
Alemaniak 1-2 irabazi dio Holandari, Mario Gomezen golei esker
Erredakzioa
Bayern Munich taldeko aurrelariak lortu ditu germaniarren bi golak lehenengo zatian. Van Persiek Holandaren gola eskuratu du bigaren zatian.
- Ficha del partido:
1 - Holanda: Stekelenburg; Van der Wiel, Heitinga, Mathijsen, Willems; Van Bommel (Van der Vaart, 46. minutuan), Nigel de Jong; Robben (Kuyt, 83. minutuan), Sneijder, Afellay (Huntelaar, 46. minutuan); eta Van Persie.
2 - Alemania: Neuer; Boateng, Hummels, Badstuber, Lahm; Khedira, Schweinsteiger; Müller (Bender, 90+2. minutuan), Özil (Kroos, 81. minutuan), Podolski; eta Gomez (Klose, 72. minutuan).
Golak: 0-1, 24. minutuan: Gomez. 0-2, 38. minutuan: Gomez. 1-2, 72. minutuan: Van Persie.
Alemaniak ondo kontrolatu du lehenengo zatia, eta Holandako selekzioak, defentsa bigunegiarekin, ezin izan du Mario Gomez gelditu. Joachim Lowren mutilek erritmo bizia jarri dute eta Mesut Ozilek ederki gidatu du alemaniarren erasoa. 24. minutuan, Mario Gomezek 0-1ekoa jarru du markagailuan. Schweinsteigerrek pase ederra eman dio Bayern Munich taldeko aurrelariari, eta Gomezek Stekelenburg atezaina gainditu du.
Holandak baloiaren jabetza mantendu du 0-1ekoaren ostean, eta Neuerren ate ingurura errazago heldu dira laranjak. Hala ere Alemaniak kontraerasoa bilatu du, eta Mario Gomezek 0-2koa jarri du (38. minutuan).
Bigarren zatian Holandak gogorrago sakatu du erasoan, eta Alemaniak kontraerasoa bilatzen jarraitu du. Stekelenburg atezainak gelditu erabakigarriak egin behar izna ditu aurreneko minutuetan, baina laranjek erasoan min egiten jarraitu dute. 57. minutuan, Neuerrek gelditu ikusgarriarekin desbideratu du Van Persieren errematea.
Holandak beldurrik gabe jokatu du erasoan, eta 72. minutuan Robin Van Persiek 1-2koa jarri du markagailuan. Arsenal taldeko aurrelariak jaurtiketa gogor batekin gainditu du Neuer. 1-2koaren ostean, Alemaniak defentsa sendotu egin du, eta holandarrek ezin izan dute 2-2koa lortu.
