Futbola
Getafeko futbolaria da
Jakub Jankto Getafek Sparta Pragan utzita duen jokalariak homosexuala dela iragarri du
EITB MEDIA
27 urte ditu, eta Txekiako selekzioarekin internazionala da. Homosexuala dela iragarri duen LaLigako lehen jokalaria da, eta sare sozialetan zabaldutako bideo baten bidez egin du. Getafek eta Sparta Pragak babesa agertu diote.
Jakub Jankto Getafeko 27 urteko futbolari txekiarrak (Sparta Pragan utzita gisa jokatzen du) homosexuala dela iragarri du jendaurrean astelehenean, sare sozialetan zabaldutako bideo baten bidez. Homosexuala dela iragarri duen LaLigako lehen jokalaria da, eta, esan duenez, bere asmoa da bizitzea "askatasunean, beldurrik gabe, aurreiritzirik gabe, indarkeriarik gabe, maitasunez". Getafek eta Sparta Pragak babesa agertu diote.
"Gainerakoek bezala, nire sendotasunak ditut, bai eta nire ahultasunak ere. Familia dut, lagunak ere bai, lana; nire lanean, beti egin dut ahalik eta ondoen, seriotasunez, profesionaltasunez, adorez. Gainerakoek bezala, nik ere nahi dut bizitzea askatasunean, beldurrik gabe, aurreiritzirik gabe, indarkeriarik gabe, baina maitasunez. Homosexuala naiz, eta ez dut neure burua ezkutatu", adierazi du, bideoan, erdilariak.
— Jakub Jankto (@jakubjanktojr) February 13, 2023
Getafek 2021ean fitxatu zuen, Sampdoriatik. Madrilgo taldearekin 14 partida jokatu ditu Santander Ligan, lesio bat izan zuelako; Txekiara 2022ko abuztuan bueltatu zen, Sparta Pragara, utzita. Internazionala da Txekiako selekzioarekin; 45 partida jokatu ditu selekzioan, eta lau gol sartu. 2020ko Eurokopan izan zen.
Sparta Pragak babesa agertu dio futbolariari: "Jakub Janktok aspaldi hitz egin zuen bere sexu orientazioaz klubeko Zuzendaritzarekin, entrenatzaileekin eta taldekideekin. Gainerakoa bere bizitza pertsonala da. Ez dago bestelako komentariorik ezta beste galderarik ere. Gure babes osoa duzu. Bizi zure bizitza, Jakub. Beste ezerk ez du axola", adierazi du Sparta Pragak, Twitterreko bere kontu ofizialean.
Jakub Jankto pred casem otevrene promluvil o své sexuální orientaci s vedením klubu, trenérem i spoluhráci.
— AC Sparta Praha (@ACSparta_CZ) February 13, 2023
Vše ostatní se týká jeho osobního života.
Žádné další komentáre. Žádné další otázky.
Máš naši podporu.
Žij svuj život, Jakube.
Nothing else matters.#acsparta https://t.co/VCu1yOndhu
Getafek ere agertu dio babesa txekiar jokalariari: "Errespetua eta baldintzarik gabeko babesa, Jakub Jankto gure futbolariarentzat", esan du klubak, Twitterren.
Nuestro máximo respeto y apoyo incondicional a nuestro futbolista Jakub Jankto ¿ https://t.co/7D05Mhnhko
— Getafe C.F. (@GetafeCF) February 13, 2023
Jendaurrean homosexuala dela esan duen LaLigan ibilitako lehen jokalaria da. 2021eko urrian, Josh Cavallo australiar futbolariak ere iragarri zuen; esan zuenez, "zoriontsu" zegoen adierazpena egiteaz, eta nabarmendu zuen espero zuela hori beste futbolari batzuentzako adibidea izan ahal izatea.
