Futbola
2-0 Granadaren aurka
Nolakoa da Messi eta Villa jokalarien arteko harremana?
Erredakzioa
Markagailua 0-0ekoa zenean, errieta egin zion Messik David Villari baloia lehen ukituan ez pasatzeagatik. Asturiarrak ere haserre erantzun zion.
-
Messi eta Villa, artxiboko irudi batean. Argazkia: EFE
Granadaren aurkako partidan errieta egin zion Leo Messik David Villari baloia lehen ukituan ez pasatzeagatik. Villak ere haserre erantzun zion.
Neurketaren ostean, garrantzia kendu zion Messik eztabaida horri eta Villarekin arazorik ez duela azpimarratu zuen. "Taldearen jarrera da partida irabaztearena. Onena nahi dugu eta partidetako tentsioa da", esan zuen.
Barçak sufritutako hiru puntu eskuratu zituen Granadaren aurka, Xavik 87. minutuan egindako gol ederrari esker. Luzapenean, bere atean sartu zuen Borja Gomezek etxekoan bigarrena (2-0).
