Futbola
Errege Kopa
Reala eta Osasuna elkarren aurka ariko dira Kopako final-laurdenetan
EITB Media
Txuri-urdinen eta gorritxoen arteko Errege Kopako final-laurdenetako derbia Reale Arenan jokatuko da, otsailaren 4, 5 edo 6an.
-
Errege Kopako final-laurdenetako zozketako irudia. Argazkia: EFE
Errege Kopako final-laurdenetako kanporaketak zozkatu dira astelehen honetan, urtarrilaren 20an, Espainiako Futbol Federazioaren Futbolaren Hirian (Las Rozas, Madril). Neurketak otsailaren 4, 5 eta 6an jokatuko dira.
Zozketak derbia utzi digu final-laurdenetarako; izan ere, Reala eta Osasuna nor baino nor gehiago ariko dira finalerdietarako txartela jokoan izango dutelarik. Norgehiagoka Reale Arenan (Donostia) jokatuko da, zozketan txuri-urdinen bola gorritxoena baino lehen atera baita.
Hauexek dira beste hiru kanporaketak: Valentzia-Bartzelona, Leganes-Real Madril eta Atletico Madril-Getafe.
Errege Kopako final-laurdenetako kanporaketak:
Valentzia - Bartzelona
Leganes - Real Madril
Atletico Madril - Getafe
Reala - Osasuna
