Futbola
Kluben Munduko Txapelketa 2025
Monterreyk aurpegia eman du Interren aurka, Kluben Munduko Txapelketan egindako debutean
AGENTZIAK | EITB MEDIA
Talde berean (E), River Plate nagusitu da Urawa Redsen aurka, 3-1. Era berean, beste bi hitzordu izan dituzte F taldean: Fluminense-B. Dortmund (0-0) eta Ulsan Hyundai Horang-Mamelodi Sundows (0-1).
-
Rayados-Inter Milan partidaren argazkia
Sergio Ramosek eta Lautaro Martinez argentinarraren golekin, Rayados Monterreyk eta Inter Milanek bana berdindu dute asteartean, Kluben Munduko FIFA Txapelketaren E taldeko partidan, Pasadenan (Kalifornia).
Horrez gain, River Plate nagusitu da Urawa Reds Diamondsen aurka, E taldean jokatutako norgehiagokan, Facundo Colidiok, Sebastian Driussik eta Maxi Mezak sartutako golei esker.
F taldean, Borussia Dortmundek eta Fluminensek hutsean amaitu dute astearteko partida; Ulsan Hyundai Horag talde hegokorearrak irabazi dio Mamelodi Sundows hegoafrikarrari.
