Reala
Harrobia
Maren Lezetak 2029ra arte berritu du Realarekin, eta lehen taldeko jokalaria izango da
EITB
Emakumezkoen bigarren taldean ibilbide bikaina egin ondoren, Marenek aurreko denboraldian egin zuen debuta lehen taldearekin, Atletico Madril aurkari.
-
Maren Lezeta. Argazkia: Reala.
Maren Lezeta akordio batera iritsi da Realarekin bere kontratua 2028-2029 denboraldira arte berritzeko eta lehen taldera jauzi egiteko, eta 17. dortsala jantziko du. Marenek Maider Castillo eliteko emakumezkoen futbol arduradunarekin eta Garbiñe Etxeberria emakumezkoen futbol arduradunarekin batera sinatu du akordioa.
Emakumezkoen bigarren taldean ibilbide bikaina egin ondoren, Marenek aurreko denboraldian egin zuen debuta lehen taldearekin, Atletico Madril aurkari. Klubak bere aldeko apustua egitea erabaki du hurrengo denboraldiei begira.
Berritze honekin, Realak harrobiarekin duen konpromisoa berretsi eta zelai erdia indartu du.
¿ “Lehenengo talderako pausoa ematea izugarria da niretzat”#Maren2029 pic.twitter.com/yXVHhxPhpz
— Real Sociedad Femenino (@RealSociedadFEM) July 3, 2025
