Reala
Igandean Atleticoren aurka
Carlos Martinez: 'Calderon zelai zaila da, baina irabazteko gai gara'
Erredakzioa
Realeko jokalariak argi dauka Atletico Madrilen aurkakoa partida zaila izango dela, baina taldeak edozein zelaitan irabaz dezakeela uste du.
Carlos Martinez Realeko jokalariak, igandean Atletico Madrilen aurka jokatuko duten partidaz hitz egin du Zubietan. Partida zaila izango dela uste du, baina Reala irabazteko gaitasunarekin ikusten du.
Txuri-urdinak sasoi onean daude. Taldea eta zaleak bat eginda daude, eta horrek jokalariak indartzen ditu. "Betisen aurkako partidan, taldea eta zaleak bat eginda egon ginen, eta horregatik lortu genuen aurkako 0-2koa iraultzea. Azkenean, pena izan zen Betisek hirugarren gola sartzea. Zaleen erreakzioa bikaina izan zen, eta horren ondorioz, puntu bat lortu ahal izan genuen", esan du Carlos Martinezek.
Martinezek Atletico Madrili buruz hitz egin du: "Oso talde sendoa da, eta bere etxean ia partida guztiak irabazten ditu. Ondorioz, badakigu partida zaila izango dela, baina taldea ondo dago, eta edozein zelaitan puntuak atera ditzakegula uste dut".
Falcao eta Diego Costa dira Astletico Madrilek dituen jokalari onenak, eta Carlos Martinezek bi jokalari hauen inguruan duen iritzia eman du: "Falcao munduko aurrelari onenetakoa da, baina Atletico Madrilek beste jokalri batzuk ere baditu. Guztiek defendatzen dute, eta aurrealdean kalitate handiko jokalariak dituzte. Talde sendoa osatzen dute". Diego Costari buruz, hau esan du Carlos Martinezek: "Diego Costa jokalari bikaina da. Badakigu odol beroko jokalaria dela, baina ez da askoz gehiago hitz egin behar. Ez dugu partida jokatu aurretik polemikarik sortu behar".
