Reala
Rayoren kontra
Mikel Gonzalez ez dago bajekin kezkatuta
Erredakzioa
Oraindik ez dago garbi Xabi Prieto, Carlos Vela, Antoine Griezmann eta Asier Illarramendi jokalariak jokatzeko moduan egongo diren.
-
Mikel Gonzalez. Argazkia: EFE
Realak Rayo Vallecanori egingo dio bisita igande honetan (12:00), eta talde txuri-urdinak hainbat baja ditu hitzordu horretarako. Mikel Gonzalez, dena den, ez dago horregatik kezkatuta. Realak talde handia du, Arrasateko jokalariaren esanetan.
David Zurutuzak ez du partida jokatuko, eta oraindik ez dago garbi Xabi Prieto, Carlos Vela, Antoine Griezmann eta Asier Illarramendi jokalariak jokatzeko moduan egongo diren.
Rayo "erasoan aritzen den talde ausarta" dela adierazi du Gonzalezek. "Denboraldi ona" egiten ari dela gaineratu du, eta partida zaila iragarri du.
