Realak Norwich City izango du aurkari gaur

Realak denboraldi-aurreko bi partida garrantzitsuenak jokatuko ditu gaur eta larunbatean. Talde txuri-urdinak Norwich City izango du aurkari astearte honetan Carrow Roaden (20:45ean) eta Southamptonen aurka jokatuko du larunbatean.

Histon talde apalari 1-8 irabazi ostean, Realak maila handiko taldeen aurka jokatzeko gogoa du, eta asteartean, taldearen maila ikusteko norgehiagoka polita jokatuko du asteartean. Norwich City Premier Leagueko taldea da, eta iaz, hamaikagarren postuan bukatu du azken denboraldia.

Jagoba Arrasatek bere jokalariak maila handiko talde baten aurka indarrak neurtzen ikusteko aukera izango du, eta frogak ere egingo ditu Realeko entrenatzaile gazteak. Talde txuri-urdina maila handiagoko aurkarien kontra jokatzen hasi da Txapeldunen Ligako atariko kanporaketaren data gerturatzen den heinean.