Reala
Hirugarren txanda
Realak Holandan ezagutuko du Europa Ligako aurkaria
Erredakzioa-Ajentziak
Talde txuriurdina Holandara joan zen atzo, denboraldi-aurreko 'stage'-an parte hartzeko. Ajax, Feyenoord eta NEC izango ditu aurkari lagunartekoetan.
Realak Holandan jakingo du, gaur, Europa Ligan izango dituen aurkaria edo aurkari posibleak. Zozketa 13:00ean izango da, eta hirugarren txandako kanporaketak erabakiko ditu. Realean fase honetan sartuko da jokoan.
Jagoba Arrasateren taldeak fase honetako bosgarren UEFA koefizientea dauka. Olympique Lyon, PSV Eindhoven, Viktoria Plzen eta Brugge bezalako taldeekin dago ontzian.
Jadanik salkatutako taldeak honakoak dira: Danimarkako Brøndby, Israelgo Hapoel Kiryat Shmona, Errumaniako Astra Giurgiu, Turkiako Kardemir Karabükspor eta Txipreko Ermis Aradippou. Oraindik kanporaketa erabakita ez duen talde bat ere izan dezake aurkari Realak. 23 partida horietako emaitzak uztailaren 24an jakingo dira.
Europa Ligako hirugarren txandako joaneko neurketak uztailaren 31an jokatuko dira; itzulikoak, abuztuaren 7an.
