Betis-Reala (1-0): Igoeraren lehia, estu-estu

Realak 1-0 galdu du Betisen aurka, Adelante Ligako 38. jardunaldia itxi duen neurketan. Emanak, penaltiz, etxekoen gola egin du.

Partidako lehenengo gol-aukera Realak izan du partida hasi eta berehala, baina ondoren Betisen unerik onenak etorri dira, eta etxekoek nagusitasuna izan dute lehenengo 20 minutuetan.

Emanak, Pavonek eta Nachok arriskua eraman dute Eñaut Zubikarairen ate ingurura, baina ondarrutarrak arazo handirik gabe baloi guztiak gelditu ditu. Tarte honetan, bisitariek Lizondo Cortesek adierazi ez dituen bi penalti eskatu dituzte.

Lehenengo zatiaren azken txanpan, Realak baloia bere egin du eta neurketa ederra izan da. Realak baloia eduki du, baina Betisen kontraerasoak arriskutsuak izan dira, eta gola edozein unetan hel zitekeela ematen zuen.

Atsedenaldiaren ostean, Betis hobeto kokatuta berdeguneratu da. Hala ere, Realaren defentsako jarduna bikaina izan da eta 0-0ekoa mugitu ezina zirudien.

Hala ere, Rivasen hutsegite batek Betisen gola ekarri du. Eskuarekin jo du baloia area barruan, penaltia eginez. Emanak ez du huts egin eta lehenengo gola egin du (70'').

Ondoren, Mikel Gonzalezen bigarren txartel horia heldu da. Lizondo Cortes epailea ez da batere ondo aritu. Realak ezin izan du banakoa lortu, gol falta ikaragarria baitu Lasarteren taldeak.

Realak lau puntuko errenta du laugarren sailkatuarekiko eta gol-averagea irabazi dio Betis.

Hurrengo neurketa, Vila-Real Bren aurka Anoetan (larunbata, 20:00etan).

Fitxa teknikoa:

1 - Real Betis: Goitia, Nelson, Arzu, Carlos Garcia, Fernando Vega; Mehmet Aurelio, Juande (Iriney, 73''); Jonathan Pereira (Juanma, 60''), Emana, Nacho, eta Pavone (Capi, 84'').

0 - Reala: Zubikarai, Carlos Martinez, Ansotegi, Mikel, De la Bella, Zurutuza (Elustondo, 68''), Diego Rivas (Labaka, 78''), Aranburu, Xabi Prieto, Griezmann (Agirretxe, 78''), Nsue.

Gola: 1-0. 71''. Emana, penaltiz.

Horrela bizi izan dugu partida eitb.com-en.