Reala
Igandean, 20:15ean
Realak ezustekoa eman nahi du Real Madrilen aurka estreineko partidan
Erredakzioa
Txuri-urdinek Europako Superkopako txapeldunaren aurka jokatuko dute igandean, 20:15ean, Anoetan. Agirretxe eta Canales baja dira Realean.
-
Real Madrilek eta Realak iragan denboraldian jokatutako partidako irudia. Argazkia: EFE
Realak igande honetan ekingo dio LaLiga Santanderreko 2016-2017. denboraldiari. Anoetan jokatuko du, 20:15ean, eta Real Madril Europako Superkopako txapelduna izango du aurkari.
Eusebio Sacristan entrenatzaileak Imanol Agirretxe golegilearen baja izango du partida honetarako, baita Sergio Canalesena ere. Eusebiok aurrelari titularra nor den erabaki beharko du William Jose eta Juanmi aurtengo fitxaketa berrien artean.
Bestalde, Real Madrilek baja asko eta garrantzitsuak izango ditu. Keylor Navas, Pepe, Karim Benzema eta Cristiano Ronaldo ez dira Anoetan izango, ezta iragan denboralditik zigortuta dagoen Luka Modric ere. Zidanek, ordea, Gareth Bale sartu du deialdian.
Ustezko hamaikakoak:
Reala: Rulli; Zaldua, Aritz Elustondo, Íñigo Martínez, Yuri; Markel, Illarramendi; Oyarzabal, Zurutuza, Carlos Vela eta Juanmi.
Real Madril: Casilla; Carvajal, Varane, Ramos, Marcelo; Casemiro, Kovacic, Kroos; Bale, Morata eta Lucas Vazquez.
Epailea: Martinez Munuera.
Zelaia: Anoeta.
Ordua: 20.15.
20.15.