Mallorca-Reala, (2-0): Txuri-urdinen partida kaskarra

Realak ezin izan du garaipena lortu Mallorcaren aurka Iberostarren eta Baleareetako taldeak 2-0 emaitzairekin irabazita hiru puntuak eskuratu zituen.

Martin Lasarteren taldea lokartuta kantxaratu zen Iberostar estadioko berdegunera eta egoera hori aprobetxatu zuen Mallorcak. Horrela, zazpigarren minutuan Cavenaghik 1-0ekoa sartu zuen. Argentinarrak area barruan baloia jaso, buelta eman eta Bravo gainditu zuen.

Gola hartu ondoren txuri-urdinen erreakzioa ez zen gauzatu. Lehen 45 minutuetan izan zuten aukera bakarra 20. minutuan iritsi zen eta Zurutuzaren burukada kanpora joan zen. Horrenbestez, 1-0ekoarekin bukatu zen lehen zatia.

Bigarren zatiaren hasieran itxura hobetu zuten gipuzkoarrek. 53. minutuan jokaldi dotorea egin, Xabi Prietok pase bikaina eman zion Griezmanni eta honen jaurtiketa zutoina urratuz kanpora joan zen.

Gol aukera nabarmen honen ondoren Mallorcak bigarren gola sartu zuen momentu txarrenak pasatzen ari zenean. 62. minutuan Cavenaghik bigarren zutoinean baloia sare barrura bultzatu zuen 2-0ekoa eginez. Argentinarra bakarrik zegoen markatzailerik gabe.

Bigarren gola hartuta, Reala saiatu zen aurrerantz joaten, baina aukera onenak Mallorcak izan zituen kontraerasoan. Bi taldeetako batek ere ez zuen gol gehiago sartu eta azken emaitza 2-0ekoa izan zen. Mallorcarentzat hiru puntuak eta Reala punturik gabe itzuli da etxera.

Fitxa teknikoa:

2 - Mallorca: Aouate; Ratinho, Ramis, Nunes (Ruben, 29. min), Kevin; Nsue (Joao Victor, 59. min), Marti, De Guzman, Castro; Victor (Pereira, 77. min), Cavenaghi.

0 - Reala: Bravo; Martinez, Ansotegui, Gonzalez, De La Bella; Prieto (Viguera, 84. min), Aranburu (Llorente, 62. min), Rivas, Griezmann (Sutil, 77. min); Zurutuza, Tamudo.

Golak: 1-0, 7. min: Cavenaghi; 2-0, 61. min: Cavenaghi.
Epailea: Rubinos Perez.

Horrela bizi izan dugu&' || 'nbsp;Realaren porrota eitb.com-en