Reala-Deportivo: Puntu premia duten bi talde, Anoetan

Erredakzioa

Azken eguneratzea: 2010/10/25 11:09 (UTC+2)

Txuri-urdinek hiru puntuak behar dituzte jaitsiera postuetan ez sartzeko. Galiziarrek ez dute garaipena ezagutzen denboraldi honetan.

Whatsapp
Whatsapp
telegram
twitt
Bidali
Esteka kopiatu

Albisteak (3)

Reala eta Deportivo lehiatuko dira gaur gauean Anoetan (21:00etan) eta bi taldeentzat beharrezkoak dira hiru puntuak. Garrantzitsuagoak agian galiziarrentzat, izan ere. Lotinaren taldeak hiru puntu besterik ez ditu sailkapenean.

Txuri-urdinak Levanteren aurka galtzetik datoz eta etxetik kanpo ez dabiltza bat ere ondo. Etxean, ordea, sendo dabiltza eta horregatik faboritoak dira gaurko partidan garaipena lortzeko.

David Zurutuzak hasieratik jokatuko duela dirudi Raul Tamudo min harturik baitago. Joseba Llorente ere hasierako hamaikakoan egongo da.

Deportivo jaitsiera postuetan dago hiru punturekin. Oraindik ez dute garaipenik lortu. Ez dute garaipneik eskuratu iragan denboraldiko 37. jardunalditik eta etxetik kanpora ez dute irabazi 2009. urteko azaroaren 29tik.

Ustezko hamaikakoak:

Reala: Bravo; Carlos Martínez, Ansotegi, Mikel Gonzalez, De la Bella; Rivas, Aranburu, Griezmann, Xabi Prieto, Zurutuza; eta Joseba Llorente.

Deportivo: Aranzubia; Laure, Colotto, Ze Castro, Seoane; Juan Rodriguez, Ruben Perez, Rochela, Desmarets; Lassad eta Adrian.

Epailea: Paradas Romero.
Zelaia: Anoeta.
Ordua: 21.00.