Hercules-Reala, (2-1): Irabazten hasi eta galtzen bukatu

Realak 2-1 galdu du Herculesen aurka bi taldeek Rico Perezen jokatu duten norgehiagokan.

Lehen minutuak oso berdinduak izan ziren, baina desoreka hamabosgarren minututik aurrera etorri zen. Momentu horretan Griezmannek 0-1ekoa egin zuen. Lehenik Carlos Martinezen errematea langara joan zen, baloia area barruan geratu eta Griezmannek sarrera barrura bidali zuen buruz.

Markagailuan aurrea hartu ondoren Reala izan zen nagusi berdegunean eta lehen 45 minutuetako gol aukera onenak Realarentzat izan ziren. Txuri-urdinek, ordea, ez zuten bigarren gola egitea lortu. Herculesek ia ez zuen gol aukerarik sortu lehen zati guztian zehar. Realaren aldeko 0-1eko emaitzarekin iritsi zen partida atsedenaldira.

Bigarren zatia hasi eta bere ahala Trezeguetek 1-1ekoa sartu zuen Herculesentzat. 47. minutuan Kikok pase dotorea eman zion aurrelari frantziarrari eta honek ez zuen Bravoren aurrean barkatu.

Berdinketak indarra eman zion Herculesi eta min egin zion Realari. Sei minutu beranduago, 52. minutuan Drenthek 2-1ekoa sartu zuen faltaz. Holandarrak falta jaurtiketa bikaina burutu zuen.

Reala saiatu zen bigarren zatiko azken txanpan berdinketaren bila joaten. Lasarteren multilek, ordea, ez zuten gol aukera argiegirik sortu eta azkenean Herculesentzat izan zen garaipena 2-1eko emaitza horrekin.

Fitxa teknikoa:

2 - Hercules: Calatayud, Cortes, Rodriguez, Pamarot, Peña, Fritzler, Abel Aguilar, Kiko (Cristian, m.68), Valdez (Tote, m.57), Drenthe (Thomert, m.84) eta Trezeguet.

1 - Reala: Bravo, Carlos Martinez, Mikel Gonzalez, Ansotegi, De la Bella, Xabi Prieto, Rivas, Elustondo, Griezmann (Tamudo, m.73), Aranburu (Sarpong, m.66) eta Llorente.

Golak: 0-1, m.15: Griezmann. 1-1, m.46: Trezeguet. 2-1, m.52: Drenthe.
Epailea: Undiano Mallenco.

Horrela bizi izan dugu Realaren partida eitb.com-en