Reala
Reala
Xabi Prieto: 'Egunerokoan pentsatu behar dugu eta maila mantentzeko'
Erredakzioa
Erdilari txuri-urdina pozik azaldu da asteburuan Espanyolen aurka jokatu beharreko partida dela eta. Talde katalana aurkari zuzena baita UEFA Europa Leaguera sartzeko lehian.
Reala bolada onean dago eta BBVA Ligako sailkapenean zortzigarren postuan dago zazpigarren den Sevillarekin berdinduta. Aurten zazpigarren postuak UEFA Europa Leaguera sailkatzea dakar eta horrek poza ekarri du Realera eta bere zaleengana. Xabi Prietok, ordea, egunerokoan pentsatu behar dela adierazi du.
"Taldea egiten ari denaz gozatu beharra daukagu eta denborak esango du non bukatuko dugun" adierazi du Xabi Prietok. Erdilariak tinko eutsi dio Martin Lasartek denboraldi hasieratik duen mezuari: "Lehen helburua maila mantentzea da".
Reala Europara sailkatzeko eskubidea ematen duten postuetan sartzeagatik ari da borrokan eta aurkari zuzena du asteburu honetan. Espanyol izango dute aurkari txuri-urdinek eta "ilusioz" dago Prieto partida honen aurrean. Xabi Prietok honakoa esan du talde katalanaz: "Oso joko ona egiten du eta joko erasokorra burutzen dute, baina prest gaude aurkari on baten aurrean hiru puntuak lortzeko".
