Itxi

Reala

Primera Iberdrola Liga

Realaren eta Athleticen arteko derbia Reale Arenan jokatuko da

AGENTZIAK | ERREDAKZIOA

Urriaren 13an izango da, Primera Iberdrola Ligako 5. jardunaldian.

  • Talde bietako jokalariak joan zen denboraldiko derbiaren amaieran.

    Talde bietako jokalariak joan zen denboraldiko derbian. Argazkia: ETBko bideo batetik hartuta

Reale Arena estadioak, hau da, Anoetako zelai eraberrituak, Realaren eta Athleticen arteko euskal derbia hartuko du urriaren 13an, 16:00etatik aurrera, Primera Iberdrola Ligako 5. jardunaldian.

Horrenbestez, Gonzalo Arconadak zuzentzen duen taldeak lehendabizikoz jokatuko du Reale Arena zelaian harmaila guztiak erabilgarri dituenetik. Izan ere, aurreko denboraldian ere Anoetan jokatu zuen Athleticen aurkako norgehiagoka (2-2 bukatu zen), otsailaren 10ean, 21.000 ikusleren aurrean, baina zelaia berritzeko lanak martxan zeuden, eta iparraldeko harmaila eraiki gabe zegoen artean.