Reala
Superkopa
Gaurko Reala-Levante finalerdia, zuzenean ETB1en eta eitb.eus-en
Erredakzioa
Talde txuri-urdinak Espainiako Superkopako lehen finalerdia jokatuko du Valentziako taldearen aurka. Partida eta emankizuna 20:00etan hasiko dira.
-
Realeko jokalariak 2019ko Erreginaren Kopa irabazi ostean. Argazkia: EFE
Realak Levante izango du aurkari Espainiako Superkopako lehen finalerdian. Partida zuzenean eskainiko dute gaur ETB1ek eta eitb.eus-ek, 20:00etan hasita.
Talde txuri-urdina Erreginaren Kopako txapelduna da, eta sasoiko iritsi da partida honetara. Gonzalo Arconadak zuzentzen duen taldeak Granadako Kopako finalean egin zuen gauza bera egin nahi du. Mariasun Quiñones atezaina hasierako hamaikakora itzultzea izan daiteke berritasun nagusia Realean.
Bestalde, Levante ere ondo iritsi da neurketa honetara, asteburuan Granadillari 6-2 irabazi ondoren Primera Iberdrola ligako hirugarren postuan baitago. Defentsako lanean maila bikaina ematen ari dira Ona Batlle, Marta Corredera eta Ivana Andres, eta, aurrealdean Eva Navarro eta Alba Redondo oso arriskutsuak dira.
Ostegunean jokatuko da bigarren finalerdia, Bartzelona eta Atletico Madril artekoa, Superkopako finalerako txartelaren bila.
