Publizitatea
Itxi

2020/12/17

19:11

Reala

Prix Versailles 2020 saria

Anoetako estadioak munduko kirol-instalazioetako arkitekturaren sari nagusia jaso du

A.B. | EITB Media

Donostiako estadioa mundu osoko beste bost estadiori gailendu zaie Prix Versailles 2020 sarian.

  • Anoeta

    Anoetako estadioa. Argazkia: EITB Media

  • Whatsapp
  • Whatsapp
  • Telegram
  • Bidali

Anoetako estadioak Prix Versailles 2020 for Sports saria jaso du, mundu osoan ematen den kirol-instalazioen arkitektura eta diseinu-sari nagusia. Donostiako estadioa, Izaskun Larzabal arkitektoak diseinatua, Al Maktoum Stadium (Dubai), Tottenham Hotspur Stadium (Londres), Puskas Arena (Budapest), Papua Bangkit Stadium (Indonesia) eta VYNBE estadioei gailendu zaie.

Arkitekturako eta diseinuko pertsona garrantzitsuek osatzen dute sari honetako epaimahaia, baita Pritzker Sari entzutetsuko hainbat irabazlek ere. Kirol-instalazioak hautatzeko erabiltzen diren irizpideetan berrikuntza, sormena, tokiko ondarearen isla eta eraginkortasun energetikoa sartzen dira. Saria Prix Versailles erakundeak ematen du, UNESCOrekin eta Arkitektoen Nazioarteko Elkartearekin (UIA) batera, eta haren helburua da "ekonomiaren eta kulturaren arteko elkarreragin hobea sustatzea. Gure ingurua edertzeko eta hobetzeko eragile ekonomikoek sektore guztietan izan dezaketen zeregina azpimarratzen du".

Udal jabetzakoa den Anoetako estadioa birmoldatu egin zen Donostiako Udalaren eta Realaren arteko lankidetza publiko pribatuari esker, Izaskun Larzabal arkitektoak diseinatutako proiektu batean. Kirol-esparru zaharra eraitsi ordez, instalazioak birmoldatu eta berritzeko proiektua egin zen, atletismoko pistak kenduz eta kirol-jardueraz gozatzeko esperientzia hobetuz.

  • Bisitatuena

      Kargatzen ikusiena
      Kargatzen ikusiena