Reala
Reala - Espanyol
Montanier: ‘Orain taldea da garrantzitsuena'
ERREDAKZIOA
Realeko entrenatzaileak ez du bere etorkizunaz hitz egin nahi izan eta garrantzitsuena Espanyolen aurka garaipena eskuratzea dela dio.
Albisteak (1)
Bideoak (1)
Montanierrek onartu du berarentzat momentu latza dela, baina, hala ere, Realean konfiantza osoa du eta zaletuen laguntzarekin egoerari buelta eman diezaioketela uste du. Zaleen indarra eskatu du, joan den astean Racingen aurka Tolosan eskuratutako garaipena gogoratuz (4-0).
Zaletuei pazientzia eskatu die, garaipenak ez direlako programatzen, eraiki egiten dira eta. Bartzelonako taldearen aurka 90 minututan aritu beharko dira, arerio gogorra baita.
Montanierrek ez du Anoetan zelairatuko duen hamaikakoaren zerrenda eman. Jokalariak irabaztera irtengo dira berdegunera, bestela hiru porrot gehituko lituzkete jarrian eta 24 puntu posibletik bakarra lortu.
Vadim Demidov jokatzeko prest egongo da, muskuluko arazoa gainditu baitu. Hala ere, Montanierrek ordezkoa bilatu beharko du De la Bella eta Iñigo Martinez baja direlako.
