Reala
Igandean, Sportingen aurka
Agirretxeren ustez Anoeta erabakiorra izango da bigarren itzulian
Erredakzioa
Orain arte etxean jokatutako partidetan aurkari oso gogorrak izan dituztela aitortu du, sailkapenaren goialdekoak gainera. Hemendik aurrera etxean lortutako emaitzak hobetzea espero du.
-
Agirretxe Sergio Sanchezen sarrera eragotzi nahian. Argazkia: EFE
Imanol Agirretxe Realeko jokalariak adierazi du BBVA Ligako bigarren itzulian Anoeta "erabakiorra" izango dela Realarentzat. Realeko golegile onenak esan du orain arte talde indartsuak pasa direla Anoetatik, sailkapenaren goialdekoak eta horregatik zailagoa izan dela puntuak lortzea. Bartzelona, Real Madril, Osasuna, Espanyol edo Athletic bezalako taldeak pasa dira Anoetatik, hauek guztiak sailkapeneko lehen zortzi sailkatuen artean daude.
Datorren asteburutik aurrera etxean puntuak lortzen hastea espero du Agirretxek. Sportingen aurka jokatuko dute igandean (12:00etan), aurkari zuzena baita Asturiaseko taldea. Partida honetarako Demidov baja izango da eta badirudi Alberto de la Bella ere ez dela garaiz iritsiko.
