Agirretxe: 'Gure helburua Valladoliden puntuak lortzea da'

Imanol Agirretxek Realak Valladoliden etxetik kanpora denboraldiko aurreneko garaipena lortuko duela ziurtatu du. Usurbilgo aurrelariak txuri-urdinek etxera "emaitza on bat" ekarri nahi dutela azaldu du.

"Etxetik kanpora jokatutako beste norgehiagoketan gertatutakoa aztertu behar dugu", adierazi du Agirretxek. Gainera, datorren astea, Valladoliden neurketarekin eta Errege Kopako Kordobaren aurkako partidarekin "denboraldirako oso garrantzitsua" izan daitekela onartu du.

Realeko jokalariak Atletico Madrilen aurkako porrota ere aztertu du. Imanol Agirretxeren ustez, Donostiako taldeak "ez zuela porrota merezi", baina "gertatutakoa ahaztu" behar dutela adierazi du.

"Emaitzen orduan, merezimenduek ez dute garrantzirik", esan du Agirretxek. Hala ere, Atletico Madrilek oso talde indartsua duela, eta gola lortzeko oso gutxirekin nahikoa duela ere azpimarratu du.