Reala, lasaitzeko balioko luketen hiru punturen bila

Realak Valladoliden aurka jokatuko du astelehen honetan Nuevo Zorrilla futbol-zelaian (21:30ean) BBVA Ligako 9. jardunaldian.

Donostiarrek porrot mingarria jaso zuten aurreko asteburuan Atletico Madrilen aurka, Anoetan, eta orain etxetik kanpo irabaztera behartuta daude. Orain arte, ez dute Anoetatik kanpo garaipenik lortu.

Claudio Bravo, David Zurutuza, Gorka Elustondo eta asteburu honetan lesionatu den Liassine Cadamuro jokalariak baja izango dira neurketa horretarako.

Ostegunean Kordobarekin neurtuko ditu indarrak Montanierren taldeak Errege Kopako final hamaseirenetan. Kanporaketa gainditzekotan, FC Bartzelona izango du aurkari.

Ustezko hamaikakoak:

Valladolid: Dani Hernandez; Rukavina, Sereno, Marc Valiente, Balenziaga; Ebert, Alvaro Rubio, Victor Perez, Omar; Oscar eta Guerra.

Reala: Zubikarai; Estada, Mikel, Iñigo Martinez, De la Bella; Bergara, Illarramendi, Griezman; Prieto, Vela eta Agirretxe.

Epailea: Alvarez Izquierdo
Futbol-zelaia: Jose Zorrilla
Ordua: 21.30