Txapeldunen Liga: Onena hastear dago

Lyongo Olinpique eta Girondins Burdeosek indarrak neurtuko dituzte astearte honetan (20:45) Txapeldunen Ligako final-laurdenetako joaneko partidan. Frantziak ordezkaria izango du txapelketako finalerdietan, biak frantziarrak baitira.

Lyongoek ezustekoa eman zuten final-zortzirenetan Real Madrid kanporatuta eta estreinakoz Championseko finalerdietarako txartela eskuratzea dute xede. 2004 eta 2006. urteetan ezin izan zituzten final-laurdenak gainditu.

Akitaniakoak, ordea, 1984/85 denboraldian sailkatu ziren azkenekoz final-laurdenetarako. Partida horretan Dnipro hartu zuten mendean.

Ustezko hamaikakoak:

Lyongo Olinpique: Hugo Lloris; Anthony Reveillere, Cris, Jeremy Toulalan, Aly Cissokho; Miralem Pjanic, Jean Makoun, Maxime Gonalons; Sidney Govou, Cesar Delgado; eta Lisandro Lopez.

Girondins Burdeos: Cedric Carrasso; Matthieu Chalme, Henrique, Michael Ciani, Benoit Tremoulinas; Ludovic Sane, Fernando; Jaroslav Plasil, Yoann Gourcuff, Wendel; eta Marouane Chamakh.

Epailea: Felix Brych (ALE).

Futbol-zelaia: Gerland.

Ordua: 20.45.

Bayern Munich-Manchester United

Bayern Munich eta Manchester United izan ziren duela 11 urteko finalaren protagonistak, neurketa gogoangarria benetan. Ingelesek 2-1 irabazi zuten.

Alemaniarrak ez daude sasoi onenean. Bundesligan bi porrot jaso dituzte jarraian, baina bigarren postuari eutsi diote (Schalke liderrak bi puntu gehiago ditu).

Manchesterrek, bestalde, aste erabakigarria izango du denboraldiaren bilakaerarako. Izan ere, larunbatean garrantzg handiko neurketa izando baitute Chelsearen aurka, Ligan.

Ustezko hamaikakoak:

Bayern Munich: Butt, Van Buyten, Demichelis, Lahm, Badstuber; Ribery, Van Bommel, Mueller, Pranjic; Klose eta Olic.

Manchester United: Edwin van der Sar; Gary Neville, Ferdinand, Vidic, Evra; Nani, Fletcher, Scholes, Park Ji-Sung; Rooney eta Valencia.

Epailea: Frank de Bleeckere (BEL).
Futbol-zelaia: Fusball Arena.
Ordua: 20.45.