Txapeldunen Liga
Final-laurdenak (itzulera)
Txapeldunen Liga: Manchester eta Girondins, kanporaketak iraultzera
Andoni Beldarrain
Erredakzioa
Ingelesek 2-1 galdu zuten joaneko partidan Bayernen aurka eta frantziarrek 3-1eko markagailua irauli behar dute Olympique Lyonen aurka.
Asteazken honetan Txapeldunen Ligako final-laurdenetako itzulerako bi partida jokatuko dira.
Horietako bat Old Trafforden jokatuko dute Manchester Unitedek eta Bayern Munichek. Alemaniarrek 2-1 irabazi zuten joaneko partidan. Robben hasieratik jokatzeko prest egongo dela dirudi alemaniarren partetik. Manchesterren baliteke Rooney berragertzea, baina miraria izando litzateke. Jokatzekotan minutu batzuk jokatuko lituzke. Partida hau zuzenean eskainiko dute ETB-1ek eta eitb.com-ek 20:45ean.
Beste norgehiagokan Girondins eta Olympique Lyon neurtuko dira. Lyonekoek 3-1 irabazi zuten joaneko partidan eta Govouren eta Lisandroren bajak dituzte. Bordeleko taldeak markagailua irauli nahi du eta Fernando erdilariaren baja du.
Inter Milanek eta Bartzelonak elkarren aurka jokatuko dute lehen finalerdia eta ikusi beharko da zein beste bi talde sailkatzen diren finalerdietara.
