Txapeldunen Liga: Bartzelonak sailkapena erabakita utzi nahi du

Erredakzioa

Azken eguneratzea: 2010/11/24 18:15 (UTC+1)

Guardiolaren mutilek Panathinaikos talde greziarra gainditu beharko dute sailkapena ziurtatzeko. Jarrai ezazu norgehiagoka ETB1en eta eitb.comen.

Whatsapp
Whatsapp
telegram
twitt
Bidali
Esteka kopiatu

Albisteak (1)

Panathinaikos eta Bartzelona elkarren aurka, ETB-1en eta eitb.com-en

Bideoak (1)

Txapeldunen Liga: Panathinaikos-Bartzelona atarikoa (ETB-1/eitb.com)

Informazio gehiago (4)

Pep Guardiolaren taldeak hiru puntuak nahi dite eta horretarako Jesualdo Ferreirak zuzendutako Panathinaikos gainditu egin beharko du etxetik kanpo. Entrenatzaile katalanak Real Madrilen aurkako norgehiagokarako ohiko jokalari batzuk gordeko dituela badirudi, harrobiko hainbat jokaladi sartu baititu deialdian (Fontas, Thiago, Jefren eta Miño). Bartzelonak D taldeko lidertza eta sailkapena erabakita utzi nahi dite klasikoa baino lehen, baina greziarrek ez dute Txapeldunen Ligari agur esan nahi. Multzoko beste partidan, Kobehavnek Rubin Kazanen aurka jokatuko du Errusian, sailkapena lortzeko asmoarekin.

A multzoari dagokionez, Internazzionalek hiru puntuak behar ditu eta horretarako Twente talde holandarra gainditu beharko du Giuzeppe Meazzan. Maiçon eta Diego Milito minduta daude eta Benitezek aldaketa garrantzitsuak egin beharko ditU hamaikakoan. Gainera, Tottenhamek Werder Bremen talde alemaniarra hartuko du Londonen, lidertza mantentzeko asmoarekin.

Schalke 04k eta O. Lyonnaisek partida erbakiorra jokatuko dute B multzoan. Frantziarrek 9 puntu dauzkate eta alemaniarrak bigarren daude 7 punturekin. Horregaitik norgehiagoka hil edo bizikoa izango da bi taldeentzat. Multzoko beste partidan, Benficak Hapoelen aurka jokatuko du etxetik kanpo.

C multzoan, Manchester United sailkatua dago eta Rangersen aukra jokatuko du. Eskoziarrek multzoko bigarren postua eskuratu nahi izango dute ez ohiko jokalariz betetako talde ingelesaren aurka. Gainera, Unai Emeryren Valentziak Bursaspor hartuko du Mestallan, multzoko bigarren postua mantentzeko asmoaz.

Asteazkeneko partidak:

24/11 18:30 Rubin Kazan – Kobenhavn

24/11 20:45 Internazzionale – Twente
24/11 20:45 Tottenham – Werder Bremen
24/11 20:45 Schalke- O. Lyonnais
24/11 20:45 Hapoel – Benfica
24/11 20:45 Rangers – Manchester United
24/11 20:45 Valencia – Bursaspor
24/11 20:45 Panathinaikos - Bartzelona