Shakhtar, Chelsea, Real Madril eta Bayern, taldekako faseko liderrak

Asteazken honetan guztiz bukatu da Txapeldunen Ligako taldekako fasea. E, F, G eta H multzoetako taldeek jokatu dute.

E mulztoan argi zegoen Bayernek lehen postuan bukatuko zuela eta final-zortzirenetarako txartela eskuan zuen. Basileak bazeukan aukerarik hurrengo fasera sailkatzeko, baina 3-0 galdu dute eta Europa Leaguea jokatuko dute. Bigarren postua Romak lortu du Clujen aurka 1-1 berdinduta.

Anzteko egoeran zeuden F mulztoko taldeak. Chelseak ziurtatu zuen lehen postua eta Olympique Marsellak bigarrena. Elkarren aurka aritu dira eta 1-0 irabazi dute frantziarrek. Mulztoko beste partidan Spartak Moskuk ez zuen arazorik izan Zilinari irabazteko eta hirugarren postuan bukatu du fase hau.

G mulztoan ere erabakita zeuden lehen bi postuak. Real Madrilek lidergoan bukatu du eta Milanek bigarren sailkatu moduan. Madrildarrek 4-0 irabazi diote Auxerreri Cristiano Ronaldoren gol batekin eta Benzemaren hiru golekin. Auxerrek garaipena behar zuen Europa Leaguerako sailkatzeko, baina galdu egin dute. Hirugarren postua Ajaxentzat izan da Milani 0-2 irabazita.

Guztia erabakita ez zegoen taldea H multzoa izan zen. Shakhtarrek lidergoan ekin zion jardunaldiari, final-zortzirenetarako sailkatuta zegoen, baina ez zeukan lehen postua ziurtatua. Ukrainarrek 2-0 irabazi zioten Sporting Bragari. Bragakoek bazuten aukerarik mulztoko bigarren moduan hurrengo fasera sailkatzeko, baina horretarako irabazi beharra zeukan eta Arsenalek ez irabaztea. Portugaldarrek Europa Leaguea jokatuko dute. Arsenalek 3-1 irabazi zion Partizani eta final-zortzirenetara pasa da multzoko bigarren sailkatu moduan.

Multzoko lider moduan sailkatu diren taldeak:

Shakhtar Donetsk, Chelsea, Real Madril eta Bayern Munich.

Multzoko bigarren postuan sailkatu diren taldeak:

Arsenal, Olympqique Marsella, Milan eta Roma

Europa Leaguea jokatuko dute:

Basilea, Spartak Mosku, Ajax eta Sporting Braga.

Kanporatuak:

Cluj, Zilina, Auxerre eta Partizan.