Real Madril eta Bartzelona, lau aldiz elkarren aurka hiru astetan

Andoni Beldarrain

Erredakzioa

Azken eguneratzea: 2011/04/14 12:13 (UTC+2)

Biek Txapeldunen Ligako kanporaketak bideratuta dituzte eta itzuliko partidetan ezustekorik ez bada Ligan, Kopan eta txapelketa europearreko joaneko eta itzuliko partidetan neurtuko dituzte indarrak.

Whatsapp
Whatsapp
telegram
twitt
Bidali
Esteka kopiatu

Albisteak (2)

Real Madrilek eta FC Bartzelonak bideratuta dituzte Txapeldunen Ligako final-laurdenetako kanporaketak eta finalerdiak oso gertu dituzte. Katalanek 5-1 irabazi zioten Shakhtar Donetski eta madrildarrek 4-0 gainditu zuten Tottenham. Itzulerako partidetan ezustekorik ez badago Bartzelona eta Real Madril elkarren aurka ariko dira finalerdietan.

Txapeldunen Ligako finalerdietarako txartela lortzen badute, bi partida horietaz gain (joanekoa eta itzulerakoa) beste birritan ere jokatuko dute elkarren aurka; Liga eta Errge Kopan. Lau partida hauek 18 egunen buruan jokatuko lirateke. Apirilaren 16an (larunbata, 22:00etan) Ligako partida Santiago Bernabeun. Lau egun beranduago, apirilaren 20an (asteazkena), Mestallan Errege Kopako finala jokatuko dute. Aste bete beranduago, apirilaren 27an (asteazkena) Txapeldunen Ligako finalerdietako joaneko partida Santiago Bernabeun eta maiatzaren 3an (asteartea), finalerdietako itzulerako partida Camp Noun.

Real Madrid-Bartzelona partiden datak eta ordutegiak:

BBVA Liga: Larunbata, apirilaren 16a: Real Madril-Bartzelona (Santiago Bernabeu, 22:00etan)

Errege Kopako finala: Asteazkena, apirilaren 20a: Real Madril-Bartzelona (Mestalla, 21:30ean)

Champions League: Asteazkena, apirilaren 27a: Real Madril-Bartzelona (Santiago Bernabeu, 20:45ean)

Champions League: Asteartea, maiatzaren 3a: Bartzelona-Real Madril (Camp Nou, 20:45ean).