Txapeldunen Liga
2. jardunaldia
Txapeldunen Liga: Real Madrilen eta Bayernen garaipen bikainak
A.B.
Erredakzioa
Madrildarrek 3-0 irabazi diote Ajaxi eta alemaniarrek 2-0eko emaitzarekin gainditu dute Manchester City. Manchester Unitedek kale egin du Baselen aurka Old Trafforden 3-3 berdinduta.
Astearte honetan Txapeldunen Ligako bigarren jardunaldia jokatu da. Partidak jokatu dituzten taldeak A, B, C eta D multzoetakoak izan dira. Gol asko, jokaldi bikainak, faborito batzuen garaipen sendoak eta ezustekoren bat edo beste ere bizi ahal izan da jardunaldi honetan.
A multzoan Bayern Munichen eta Napoliren garaipenak kontutan hartzekoak izan dira. Alemaniarrak lidergoan daude sei punturekin etxean Manchester Cityri 2-0 irabazita. Bestalde, italiarrak daude bigarren lau punturekin gaur Vila-reali 2-0 irabazi ostean. Manchester Cityrena da hirugarren postua puntu bakarrarekin eta Vila-real azkena da puntu gabe.
Trabzonspor da nagusi B multzoan Lilleren aurka 1-1 berdindu eta gero. Turkiarrek lau puntu dituzte eta puntu bat gutxiagorekin bigarren postuan dago Internazionale Milan. Italiarrek Ranierirekin lehen garaipena lortu dute aurten Europan CSKA Moskvari 2-3 irabazita. Errusiarrek puntu bakarra dute eta azkenak dita. Lille dago hirugarren postuan bi punturekin.
Jardunaldiko ezustekoa Old Trafoorden eman du Baslek. Suitzarrek 3-3 berdindu dute Manchester Uniteden aurka eta gainera, 2-0 hasi dira galtzen. Basel da C multzoko liderra lau punturekin eta puntuetara berdinduta bigarren postuan da gaur Galatiri 0-1 irabazi dion Benfica. United hirugarren postuan dago bi punturekin eta Galatik oraindik ez du punturik lortu.
D multzoan lider sendoa dela erakutsi du Real Madrilek. Merengeek 3-0 irabazi diote Ajaxi eta bitik bi garaipen lortu dituzte. Hau da, Real madrilek sei puntu ditu. Lau punturekin bigarren postuan dago Olympique Lyon. Frantziarrek 2-0 irabazi diote Dinamo Zagrebi. Ajaxek puntu bakarra du eta hirugarren sailkatua da. Dinamo Zagrebek, ordea, ez du punturik eskuratu oraindik.
Bigarren jardunaldiko emaitzak (A, B, C eta D multzoetako taldeak):
18:00 PFC CSKA Moskva 2 - 3 FC Internazionale
20:45 Trabzonspor AS 1- LOSC Lille Métropole 1
20:45 SSC Napoli 2- Villarreal CF 0
20:45 Manchester United FC 3- FC Basel 3
20:45 FC Otelul Galati 0- SL Benfica 1
20:45 Olympique Lyonnais 2- NK Dinamo Zagreb 0
20:45 Real Madrid CF 3- AFC Ajax 0
20:45 FC Bayern München 2- Manchester City FC 0
