Britainia Handiko S.N.: Lorenzok lidergoa sendotu nahi du

Britainia Handian izango da hitzordua asteburu honetan motoziklismoko munduko txapelketan, denboraldiko seigarren Sari Nagusia hain zuzen ere. Jorge Lorenzo dago sailkapen nagusiaren buruan eta Mallorcako pilotuaren helburua lidergoa sendotzea izango da.

Dani Pedrosak bajan jarraitzen du eta, beraz, Casey Stoner izango da Lorenzoren aurkari nagusia. Lorenzok zazpi puntuko errenta baino ez ditu Stonerrekin, baina Silverstoneko zirkuituan lasterketa borobilak egin ohi ditu.