Parisko Olinpiar Jokoak 2024
Txirrindularitza
Mark Cavendishek David Millarren laguntza izango du Olinpiar Jokoetan
Erredakzioa
Eskoziarra Erresuma Batuko selekzioarekin arituko da, haren aurkako betoa behin desagertuta. Taldean Wiggins, Froome eta Stannard ere egongo dira.
-
Mark Cavendish, Frantziako Tourrean. Argazkia: EFE.
David Millar (Garmin-Sharp) Olinpiar Jokoetan arituko da Erresuma Batuko txirrindulari taldearekin. Kirol Arbitrajeko Auzitegiak dopinagatik zigortutako britainiarren kontrako betoa atzera bota zuen apirilean. Gauzak horrela, David Millar Londresen lehiatuko da, Mark Cavendish, Bradley Wiggins, Chris Froome eta Ian Stannard (Sky) txirrindulariekin batera.
Cavendish faborito nagusia da, errepideko proba, ziur aski, sprintean bukatuko delako. Wigginsen laguntza izango du: "Cavendishekin errepideko lasterketa irabazteko aukera ona dugu. Londresen izanda, oso berezia da dena". Gainera, Skyko liderra Frantziako Tourrean erlojupekoa irabazten saiatuko da, bere taldekide Chris Froomek bezala.
