Binakakoa
22-6
Gonzalez-Zubieta bikotearen garaipena, Arretxe eta Begino jipoituta
Erredakzioa
Binakako Txapelketan lortzen duten lehen garaipena da astelehen honetakoa. 22-6koa izan da Tolosako Beotibarren jokatu den partidaren emaitza.
Gonzalezek eta Zubietak Binakako Txapelketako lehen garaipena lortu dute astelehen honetan Arretxe II-Begino bikotea jipoituta. 22-6ko emaitzarekin irabazi du Gonzalez-Zubieta bikoteak Tolosako Beotibar pilotalekuan jokatutako partida.
Hasieratik amaierara arte jaun eta jabe izan da Sebastian Gonzalezek eta Aitor Zubietak osatzen duten bikotea. Banako berdinketaren ondoren, alde handiak lortu dituzte Gonazalezek eta Zubietak (7-1, 10-2 eta 16-2). Begino tokiz kanpo egon da, eta Arretxe II.ak ez dio lanik eman Gonzalezi aurrealdean. 16-2 galtzen joan dira Arretxe II.a eta Begino, eta orduan lortu dute pare bat tanto jarraian egitea (18-4 eta 19-6), baina beranduegi izan da jada, eta garaipenak ez dio ihes egin Gonzalez-Zubieta bikoteari (22-6).
