Xalak eta Laskurainek ezustekoa eman dute eta finalerako sailkatu dira

Erredakzioa

Azken eguneratzea: 2012/04/14 20:20 (UTC+2)

Olaizola eta Beroiz 22-18 mendean hartu zituzten. Xala eta Laskurainek Beroizen ahultasuna aprobetxatu zuten. Partida erdialdera atzelariak eskuetan arazoak izan zituen.

05:43

Whatsapp
Whatsapp
telegram
twitt
Bidali
Esteka kopiatu

Albisteak (2)

Bideoak (1)

Xala-Laskurain vs Olaizola-Beroiz (22-18)

Xalak eta Laskurainek Olaizola eta Beroiz 22-18 mendean hartu zituzten Bilboko Bizkaia pilotalekuan. Horrela, lapurtarrak eta gipuzkoarrak ezustekoa eman eta Binakako Txapelketako bikoterik onena finaletik at utzi dute. Xalak eta Laskurainek Titin eta Merinorekin neurtuko dituzte indarrak finalean.

Olaizolak eta Beroizek agintzen hasi eta markagailuan aurre hartu zuten. Hala ere, neurketa erdialdera atzelariak eskuetan arazoak izan zituen eta Olaizolak airea bilatu behar izan zuen bikotekidea defendatzeko.

Beroizek arazo fisikoak zituela konturatu zen Aspeko bikotea, eta jokoa atzean kargatu zuen. Horrela, Olaizolak ezin izan zion norgehiagokari eutsi, eta Xalak eta Laskurainek partida irauli zuten.

Horrela, txapelketan garaipen gehien lortu dituen bikotea finaletik kanpo geratu da. Honenbestez, bi bikote faboritoak (Olaizola-Beroiz eta Irujo-Barriola) ez dira finalerako sailkatu.