Binakakoa
Aldaketa
Urrutikoetxeak Laso ordezkatuko du Binakako Txapelketako 13. jardunaldian
EITB Media
Unai Lasok minduta du ezker eskua eta ez du jokatuko otsailaren 9ko Binakako Txapelketako partida. Haren ordez Mikel Urrutikoetxea ariko da Iztuetarekin batera Ezkurdia-Rezusta bikotearen aurka, Eibarren.
-
Urrutikoetxea (gorriz), Ezkurdiaren (urdinez) aurkako partida baten. Argazkia: EITB Media
Unai Lasok minduta du ezker eskua, eta ez du jokatuko Binakako Txapelketako 13. jardunaldiko partida. Haren ordez, Mikel Urrutikoetxea ariko da, Baiko Pilota enpresak jakinarazi duenez.
Hala, bada, Mikel Urrutikoetxeak Martxel Iztuetarekin osatuko du bikotea igandean Eibarren jokatuko den Joseba Ezkurdia-Beñat Rezusta bikotearen aurkako norgehiagoka. Partida 17:15ean hasiko da, eta zuzenean izango duzu ikusgai, eitb.eus-en eta ETB1en.