Binakakoa
Aldaketa
Eskirozek Mariezkurrena II.a ordezkatuko du Binakakoaren 13. jardunaldian
EITB Media
Baiko Pilota enpresak jakinarazi du Jon Mariezkurrenak ez duela jokatuko otsailaren 7ko Binakako Txapelketako partida. Haren ordez, Eskirozek osatuko du bikotea Artolarekin, Etxeberriaren eta Martijaren aurkako lehian.
-
Iosu Eskiroz, pilotaria. Argazkia: EITB Media
Jon Mariezkurrenak ez du jokatuko Binakako Txapelketako 13. jardunaldia. Atzelariak minduta du eskuin eskua, eta ez da egongo otsailaren 7ko Tafallako norgehiagokan.
Mariezkurrena II.aren ordez, Iosu Eskirozek jokatuko du. Beraz, Iñaki Artolak Eskiroz izango du bikotekide Peio Etxeberriaren eta Julen Martijaren kontrako neurketan.
Tafallako jaialdia otsailaren 7an, ostiralean, hasiko da.