Buruz Burukoa
Lesioa
Lasok ez du jokatuko Buruz Buruko Txapelketako 3. eta 4. posturako partida
EITB Media
Unai Lasok eskuin belaunezurreko tendinopatia du, eta ezingo du jokatu Larrazabalen aurkako Buruz Buruko 3. eta 4. posturako lehia. Peio Etxeberriak ordezkatuko du Laso maiatzaren 25eko neurketan.
-
Unai Laso. Argazkia: EITB Media
Unai Lasok ez du jokatuko Iker Larrazabalen aurkako Buruz Buruko Txapelketako hirugarren eta laugarren posturako partida, min hartuta baitago. Horixe jakin du EITBk.
Lasok eskuin belaunezurreko tendinopatia du, eta ezingo du jokatu Larrazabalen kontra. Peio Etxeberriak ordezkatuko du Laso, eta Larrazabalen aurkaria izango da maiatzaren 25eko Donostiako Atano III frontoiko neurketan.
Jaialdia zuzenean emango dute eitb.eus-ek eta ETB1ek, 17:40etik aurrera.
