Retegik final-laurdenetarako txartela lortu du Lasari 22-16 irabazita

ERREDAKZIOA

Azken eguneratzea: 2011/10/15 12:59 (UTC+2)

Hasieran erraz gailendu zaio Julen Retegi Aritz Lasari, baina partidak aurrera egin ahala Urretxuarrak aldea murriztu du. Retegi Bi Abel Barriolaren aurka arituko da datorren astean final-laurdenetan.

00:59

Whatsapp
Whatsapp
telegram
twitt
Bidali
Esteka kopiatu

Albisteak (1)

Lau t'erdikoa: Asteburu honetan, final-zortzirenak

Bideoak (2)

Nor baino nor orekatu eta borrokatua espero zen, biak ala biak kaiolan ongi aritzen diren pilotariak baitira. Neurketa hasi aurretik ez zegoen faborito argirik eta apustuak nahiko parekatuta zeuden. Aritz Lasak pasa den astean aise irabazi zion Mikel Urrutikoetxeari lau t'erdiko txapelketako estreinako partidan (22-5), baina Urretxun gauzak hasieratik okertu zitzaizkion. Irten berri den lesioaren ondorioz, sasoiko egoteko beharrezkoa den entrenamendu prestaketa falta duela aditzera eman du.

Retegi Bik bere lana ondo egin zuen joko klasikoa eginez eta botea aprobetxatuz. Lasak aurkari gogorra izan zuen eta hankak mugitzeko ezinean aritu zen, indarrak erdi galduta. Ausart hasi zuen norgehiagoka Retegi Bik eta hasieratik markagailuan aurretik kokatzea lortu zuen. Emaitza bina zegoela gipuzkoarra aurretik jartzea lortu zuen, baina nafarrak ez zuen etsi eta bosna berdindu zuen, neurketa bukatu arte markagailuan nagusituz.

Aritz Lasak herrian jokatzen zuen eta zaleak bere alde zituen. Hala ere, animo eta oihuak ez ziren nahikoak izan norgehiagokari buelta emateko. Julen Retegi aurretik zela tanto andana lortu zituen erreskadan, zortzi tantoko errenta lortuz (12-4). Kontrako dinamika gelditzeko intentzioarekin atsedenaldiaz baliatu zen eta deskalabrua etetea lortu zuen, aldea txikituz. Retegi Bi serio aritu zen jokoan, partida oraindik irekia zegoen eta ez zitzaion erritmoa falta. Gauzak horrela, Aritz Lasa markagailuan hurbiltzea lortu zuen, dezente gainera (17-14). Baina beranduegi zen erreakzionatzeko eta ezin izan zion emaitzari buelta eman. Gainera, Lasak sakea alde zuela epaileak bigarren botean eramandako pilota bat ontzat eman zion Retegi Biri. Azkenean 22 eta 16 bukatu zen partida.

Urretxun irabazi ondoren Retegi Bi Abel Barriolaren aurka arituko da datorren ostiralean Beasaingo pilotalekuan lau t'erdiko txapelketako final-laurdenetan. Pilotazaleak neurketa ETB-1en eta eitb.com-en zuzenean ikusteko aukera izango dute.

Julen Retegi-Aritz Lasa: 1-0, 2-0, 2-1, 2-2, 2-3, 2-4, 3-4, 4-4, 5-4, 6-4, 7-4, 8-4, 9-4, 10-4, 11-4, 12-4, 12-5, 12-6, 12-7, 13-7, 13-8, 13-9, 14-9, 15-9, 16-9, 16-10, 16-11, 16-12, 17-12, 17-13, 17-14, 18-14, 18-15, 19-15, 19-16, 20-16, 21-16, 22-16.