Pilota
Gaur
Bengoetxea VI-Beroiz/Irujo-Zabaleta, zuzenean, ETB-1en eta eitb.com-en
A.A.
EiTB
Halaber, Endesa Ligako bi partida emango dira: Ucam Murcia-Uxue Bilbao Basket eta Cai Zaragoza-Lagun Aro GBC.
-
Bengoetxea eta Beroiz
Gaur Bizkaia pilotalekuan jokatuko den Bibitako Txapelketako finalerdia, Bengoetxea VI-Beroiz/Irujo-Zabaleta, zuzenean izango da ikusgai ETB-1en. Jaialdia arratsaldeko bostetan hasiko da Titin III-Laskurain/Jaunarena-Barriola atariko partidarekin. Xabier Euzkitzek, Joxan Tolosak eta Elena Azpeitiak egingo dute kontakizuna.
Saskibaloi zaleek hitzordu bikoitza dute: ETB-1en Ucam Murcia-Uxue Bilbao Basket neurketaren berri emango dute Asier Arangurenek eta Josean Aldalurrek, eta ETBKn Cai Zaragoza-Lagun Aro GBC partidaren ingurukoak ekarriko dituzte Xabier de la Fuentek eta Aitor Uriondok. Biak al biak 12etan hasiko dira.
15:30ean, errugbi Ligako Hernani-Bizkaia Gernika eskainiko da ETBKn, Jon Ander Gorospe eta Koldo Alduntzinen eskutik.
16:00etan, ETB-1en, herri kirolen tartea zabalduko dute. Koldo Aldalurrek, Joxe Etxebeste lagun duela, bezperan Zerainen jokatutako aizkolarien banakako Eusko Label Sariko kanporaketaren ingurukoak ekarriko ditu. Hamabi aizkolari arituko dira nor baino nor gehiago: Xabier Dorronsoro, Xabier Zaldua, Aitor Urteaga, Iñaki Agirre, Joxe Mª Esnaola, Goizeder Beltza, Aritz Goñi, Iban Resaso, Julen Kañamares III, Asier Pellejero, Iñaki Vázquez 'Sakana' y Arkaitz Jauregi.
Amaitzeko, 19:10ean, Zornotzan jokatutako Udaberri Saria txirrindularitza probaren labupena egingo du Pedro Mari Goikoetxeak.
Ucam Murcia-Uxue Bilbao Basket saskibaloia partida eta pilota jaialdia eitb.com-en ere zuzenean emango dira.
