Pilota
22-10
Pilota: Pablo Berasaluze eta Abel Barriola, erraz Eibarren
Txetxu Urbieta
Erredakzioa
Erraz gainditu zituzten Aritz Lasa eta Mendizabal 22-10eko emaitzarekin.
Pablo Berasaluzek eta Abel Barriolak 22 eta 10 irabazi zuten Aritz Lasa eta Oier Mendizabalen aurka bart Eibarren jokatu zen partida.
Barriola 11 hilebete luzeko lesioaren ondoren ostiralean itzuli zen min hartu zuen pilotalekura. Leitzarra ondo aritu zen belauna erabat osatuta daukala erakutsiz. Barriolak orain partidak behar ditu Buruz burukorako prest egoteko.
Jaialdiko aurreneko partida bigarren mailako txapelketarako sailkatze partida izan zen. Cabrerizok, erraz, 22 eta 10 irabazi zuen Ongayren aurka.
Larunbat honetan Binakako txapelketako partida Labriten jokatuko da. Xala eta Zubieta Irujoren eta Beroizen aurka neurtuko dira.
Erremontea
Erremontean Jesus Abregoren jaiotzaren mendeurrena ospatzeko jaialdia izan zen Arroitzen. Estelarrean Ezkurrak eta San Miguelek 40 eta 38 irabazi zuten Zeberioren eta Urrutiaren aurka.
