Erkiaga-Ibarluzea eta Laduche-Gorka bikoteen arteko lehia, Eusko Label Winter Seriesen 10. jardunaldian

Erkiaga-Ibarluzea eta Laduche-Gorka bikoteek Eusko Label Winter Series txapelketako hamargarren jardunaldiko partida jokatuko dute astelehen honetan, urtarrilak 8, Gernikako Jai Alai pilotalekuan. Partida ETB1en eta eitb.eus-en ikusi ahal izango da, 22:15etik aurrera.

Aritz Erkiagak erronka garrantzitsua izango du gaur, joan den ostiralean Banakako txapelketan laugarren txapela irabazi eta gero. Aurrelari bizkaitarra eta Ibarluzeako atzelariek Eusko Label Winter Serieseko finalaurrekoetarako txartela ziurtatzeko beharra dute gaur, Ludovic Laducheren eta Gorka Sorozabalen kontra. Lapurtarrek bi setetan garaitu beharko lukete, txapelketan aukeraren bat izaten jarraitzeko. Helburu hori betez gero, Arbe eta Manci izango dituzte aurrean sailkapena amaitzeko; aldiz, Erkiagak eta Ibarluzeak irabazten badute set bakarrean, bizkaitarrentzat izango da txartela.

Hiru jardunaldi baino ez dira geratzen ligaxka bukatzeko. Oraingoz, bi bikotek baino ez dute bermatu hurrengo faserako pasea: Goikoetxea-Lekerika (A taldea) eta Johan-Lopez (B taldea).