Uxueren eta Valentzia Basketen arteko urtarrileko aurreneko neurketa

Uxue Bilbao Basketek eta Valentzia Basketek hiru norgehiagoka jokatuko dituzte urtarrilean elkarren aurka, eta aurrena, Endesa Ligakoa, igandean 19:00etan izango da. Ligan eta Eurokopan, Katsikarisen mutilek aurkari zuzena dute Valentzia, eta garaipena ezinbestekoa izango da. Neurketa zuzenean jarritu ahal izango da eitb.com-en.

Errege Koparako sailkatzea matematikoki ziurtatuta utzi dezake Bizkaiko taldeak Fontetan irabazita. Hala ere, talde taronjak Endesa Ligan aurreneko lau sailkatuena artean egon nahi duela argi utzi du, eta partida gogorra izango da.

Fotis Katsikaris teknikariak garaipena ligarako bikaina izango litzatekeela argi eta garbi utzi du, aurkari zuzenari aldea ateratzea baita.

Bilbao Basketek ligako fase erregularrean azkeneko zazpi partidak galdu ditu Fontetan. Hala ere, orain dela bi denboraldi, playoffetan, garaipen bikaina eskuratu zuten Katsikarisen gizonek.