Bilbao Basket
Igandean, 12:00etan
Palaun, asteko aurreneko hitzordua
Erredakzioa
Bartzelona Regalen aurka jokatu eta gero, garrantzi handiko partida izango dute bilbotarrek Eurocupean, Valentzia Basketen aurka, eta igandean Real Madril izango dute aurkari Ligan.
-
Fotis Katsikaris. Argazkia: EFE
Uxue Bilbao Basketek Palaun emango dio hasiera, igande honetan, aste gogor bati. Bartzelonaren aurka Endesa Ligako 19. jardunaldiko partida jokatuko dute bilbotarrek, eta asteartean hitzordu garrantzitsua dute Eurocupean, Valentzia Basketen aurka. Igandean, otsailaren 2an, Real Madrili egingo dio bisita Uxuek 20. jardunaldiko neurketa.
Astearteko partida da asteko partida garrantzitsuena bilbotarrentzat. Jokoan Eurocupean bizirik jarraitzeko txartela izango dute. Bartzelona Regalen kontrako partidarako, jokalari guztiak prest ditu Fotis Katsikaris Bilbao Basketeko entrenatzaileak.
